- اقلب القدرة على فمها ، تطلع البنت لأمها.
- مرادف: القدرة هى وعاء كبير يستخدم فى طهى الفول ، تطلع اى تصعد والمقصود تنشأ
- معنى: دائما ما كانت الانسان يشبه سلفه فى الشكل او التصرفات .
- تفسير: يقال لمن يعيد تكرار مافعله اباءه او اجداده سواء جيدة او سيئة
- أصوم أصوم وافطر على بصلة
مرادف : أصوم : مضارع المصدر صيام .. التكرار يفيد الكثرة في عمل الشىء .. أفطر : مضارع المصدر فطور و هو كسر الصيام .. على : المراد : أكسر صيامي أو فطوري هو .. بصلة : ثمرة البصل ..- معنى : أعمل كثيرا و أجر عملي شىء ضئيل ..
- تفسير : يقولها الشخص عندما يظل بعمل الخير و الخير و الخير كثيرا ثم لايلقى مقابل ذلك الا شيئا ضئيلا جدا ولا يساوي ثمن عمله ، و هو مقتبس من ( خيرا تعمل شرا تلقى ) ..
- اطبخى ياجاريه ، كلّف يا سيدي. لي محوي محوي من عند الله
- معنى: أذا اردت شئ خدمة اضافية يجب ان تدفع فى المقابل .
- تفسير: يقال عندما يطلب من احد القيام بأعمال تحتاج لأموال كثيرة دون وجود هذه الاموال
- اقطع عِرق و سيّح دمه.
- مرادف: عرق مفرد عروق وهى مسارات الدم داخل جسم الانسان ، سيّح من يسيح اى يجعله ينزف
- معنى: واجه المشكلة وانتهى منها الأن .
- تفسير: يقال لمن يتجنب المشاكل ان يواجهها ويتخذ قرارات حاسمة بخصوصها
- إيه تعمل الماشطة في الوش العكر
- مرادف: الماشطة هى امرأَةٌ تحسن المَشْط وتتَّخذه حِرفة ، الوش أى الوجه
- معنى: ماذا يمكن ان تغير الماشطة أذا كان وجه من تحسنه بشع .
- تفسير: يقال عند محاولة الانسان عمل كل شئ لتغيير نفسه امام الناس ولكن صفاته الجسدية او الشخصية ظاهرة جدا
- ايه يعمل الترقيع في الثوب البالى.
- مرادف: الترقيع أى وضع رقعة
- معنى: ماذا يمكن ان تغير قطع جديدة من القماش لتحسين شكل ثوب قديم .
- تفسير: يقال عند محاولة الانسان عمل كل شئ لتغيير نفسه امام الناس ولكن صفاته الجسدية او الشخصية ظاهرة جدا
- أسمع كلامك أصدقك أشوف أمورك أستعجب.
- مرادف: اشوف أى أرى
- تفسير: يقال عن من يفعل ملا يقوله
- إن كان الكذب ينجي فالصدق أنجى و مانجة
مرادف : ينجي : المراد : ينقذ صاحبه .. أنجى : أكثر إنقاذا لصاحبه من الكذب .. مانجة : هي ثمرة المانجو معنى : إذا كان الكذب ينقذ فالصدق أحلى و ينقذ أفضل .. تفسير : لو كان الكذب ينقذ في بعض الأحيان فلا تكذب وقتها لأن الصدق ينقذ أكثر لأنك سواء في لحظتها أو لاحقا ستكشف حقيقتك ، ثم إن الصدق راحة البال و شبه بثمرة للمانجو لأنها حلوة و الكل يعشقها ..
- إذا كان الكلام من فضة فالسكوت من ذهب.
- تفسير: يقال عندما يكون الكلام فى موضوع يزيد المشاكل ووقتها فالسكوت افضل
- إضرب المربوط يخاف السايب
مرادف : المربوط : أي الحيوان المربوط ..السايب : الغير مربوط..
- معنى: أذا ضربت الحيوان المربوط يخاف الغير مربوط ..
- تفسير: إذا نوى شخص على. فعل شيءو رأى شخصا آخر يضرب أو يهان لفعله نفس الشيء فيرتعب ولا يفعل الشىء هذا خوفا أن يكون موضع المهان ..
- اللهم طولك يا روح.
- معنى: دعاء لله للقدرة على الصبر على المشكلة ..
- تفسير: يقولها الشخص عند الابتلاء او التشاؤم بغرض أن يطول عمره دون أن تأتيه جلطة قلبية من المشكلة أو الابتزاز ذلك و أن يصبر دون أن يتصرف تصرف خاطىء ( خاصة عند تحدثه مع شخص غبي )
- اللي بيته من إزاز مايحدفش الناس بالطوب.
- مرادف: إزاز أى زجاج ، مايحدفش أى لا يلقى .. الكوب : الصخر
- معنى: من بيته من زجاج لا يجب ان يقلى الناس بالصخر
تفسير : من يخاف شيئا لا يفعله في النسخه فربما يأتي يوما ويردوا هذه الأذية له
- اللي تحسبه موسى يطلع فرعون.
- مرادف : اللي : الذي ..
معنى :هناك بعض الناس تظنهم صالحين و يكونون في الآخر فاسدين
- تفسير: هناك بعض الناس تظنهم صالحين كالرسل و هم فاسدين كفرعون الظالم - نظرا لقصة فرعون مع موسى - لأن أفعالهم الباطنة غيى أفعالهم القاهرة أمامك ..
- اللى ميشفش من الغربال يبقى أعمى.
- مرادف: ميشفش أى لا يرى ، يبقى أى يصبح او يكون ، الغربال أَداةٌ تشبه الدُّفَّ ذات ثقوب كثيرة ، يُنَقَّى بها الحَبُّ من الشوائب
- معنى: أذا لم تكن تسطع ان ترى من الغربال فأنت أعمى .
- تفسير: لا يمكنك ان تصر على صحة وجهة نظرك فى شئ وكل الدلائل تؤكد عكس ما تقول .
- اللى ياكل لوحده يزور.
- مرادف: يزور أى يقف الطعام فى بلعومه .
- معنى: من ياكل وحيدا يزور .
- تفسير: إذ لم تشاطر من حولك فى الخير الذى وصلك فالأمراض ستتكاثر عليك
- اللي ياكل على درسه ينفع نفسه .
- مرادف: درسه أى ضرسه
- تفسير: لن يساعدك أحد أن لم تساعد نفسك
- اللي يعرف أبويا يروح يقوله .
- مرادف: يروح أى يذهب.
- معنى: من يعرف أبى فليخبره بما اعمل من شر .
- تفسير: يقال عن من لا يكترث للاخرين حتى لو كانوا اقرب الناس إليه
- اللي يحصلنى يكسرنى .
- معنى: من يستطع الوصول الى فليوقفنى عما أفعله من شر .
- تفسير: يقال عن من لا يكترث للاخرين
- اللى يتلسع من الشوربه ، ينفخ في الزبادي.
- مرادف: يتلسع أى يلسع ، الشوربة ماء ساخن ممزوج بدهن اللحوم او الطيور .
- معنى: من تلهب لسانه الشوربة الساخنة يرتعب من ان يأكل الزبادى البارد .
- تفسير: يقال عمن له خبرة سيئة بشئ فيشكك بكل ما شابهه
- اللى يتلسع من التعبان يخاف من الحبل
- مرادف: يتلسع أى يلسع ، التعبان أى الثعبان
- معنى: من يلسع من قرصه ثعبان ، يرتعب من كل شئ يشبه الثعبان حتى لو كان مجرد حبل .
- تفسير: يقال عمن له خبرة سيئة بشئ فيشكك بكل ما شابهه
- اللي يخاف من العفريت يطلع له .
- معنى: من يخاف من العفريت - المقصود هنا شيطان - يظهر له .
- تفسير: إذا تجنبت مواجهة مشكلة وقت طويل سيأتى اليوم التى تنفجر فيها امامك
- اللي يحب العسل يستحمل أرس النحل .
- مرادف: أرس أى قرص من يقرص
- معنى: من يحب العسل ويقترب من عش النحل وجب عليه تحمل لسعات نحلاته .
- تفسير: من يحب شيئا ذو مخاطر عليه ان يتحمل ما قد ينتج من هذه المخاطر
- اللي متحبش تشوف وشه يجي يوم وتتمنى تشوف قفاه
- مرادف: متحبش أى لا تحب ، وشه أى وجهه ، قفاه أى خلف رقبته
- معنى: من لا ترغب ان ترى وجهه سياتى يوما تتمنى فيه ان ترى قفاه .
- تفسير: يقال لمن لا يقدر الناس ويرفضهم لاسباب سطحية ثم يحتاج إليهم فيتمنى ان يقابلهم مجددا ويعتذر عما بدر منه
- اللى يعوزه البيت يحرم على الجامع.
- مرادف: يعوزه - يعوز من عوز - أى يحتاجه
- معنى: يعوزه ما يحتاجه البيت يفرض على الامتناع عن التبرع لمكان أخر حتى لو كان جامع - مسجد -
- تفسير: يقال عندما يختار الانسان بين موضوعين كلاهما مهم فيختار الاقرب إلى مصلحة اهل بيته اولا
- اللي يكتسف من بنت خالته مايجبش منها عيال.
- مرادف: يتكسف أى يخجل ، مايجبش أى لا يأتى منها
- معنى: من يتكسف من بنت خالته أى قريبته وزوجته فكيف سينجب منها أطفال ؟!
- تفسير: من يخجل من حل مشكلة تتعلق بأهله فلن يكون قادرا على حل اى مشكلة اخرى
- الشايب لما يدلع زي الباب المخلع.
- مرادف: الشايب أى الرجل الهرم الكبير السن ، مخلع أى قديم ومكسور
- معنى: الشايب عندما يتصابى فستصدر عظامه الهرمة اصواتا مثل باب مخلع
- تفسير: من يفعل اشياء لا تناسب عمره ووقار سنه سيبدو شكله كريها امام الناس
- القرعة تتباهى بشعر بنت أختها.
- مرادف: القرعة هى المرأة بلا شعر
- معنىى: القرعة تتباهى بشعر قريبتها
- تفسير: يقال عمن يتباهى بما لا يملكه
- الزفة مطرقعة و العروسة ضفدعة.
- مرادف: الزفة أى حفل الزواج ، مطرقعة أى يسمع صوت الحفل من بعيد
- معنى: الزفة مطرقعة بينما العروس مجرد ضفدعة
- تفسير: يقال عندما يعلن عن شئ بشكل مبالغ فيه بينما فى حقيقته صغير جدا
- العزا حارة (ساخنة) والميت كلب
- مرادف: العز أى العزاء او حفل التأبين ، حارة أى ساخنة والمقصود به معزيين كثيرين
- معنى: العزا حارة بينما الميت مجرد كلب
- تفسير: يقال عندما يعلن عن شئ بشكل مبالغ فيه بينما فى حقيقته صغير جدا
- اللى تكسبه العبه
- مرادف : تكسبه أى ما تكسب به ، العبه أى ما تلعب به
- معنى: العب بما تكسب به ولا تكترس بشرف اللعبة
- تفسير: يقال عمن يستغل كل الفرص للفوز بشئ دون الاكتراس برد فعل الناس
- النبى وصى على سابع جار.
- معنى: راعى كل جيرانك مهما كانوا بعيدين عنك
- تفسير: يجب ان تراعى كل شخص مهما كانت بعده عن مشكلتك
- العبد فى التفكير و الرب في التدبير.
- تفسير: على الانسان ان يفكر فى حل مشاكله بما اوتى من قوى وعلى الله التوفيق
- العروسة للعريس و الجرى للمتاعيس.
- مرادف: متاعيس - من متعوس - اى الانسان التعس والمقصود من هم بلا زواج
- معنى: على العروس الفرح بعريسها اما بقية الحفل ومشاكله للمتاعيس
- تفسير: عليك فى اى موضوع ان تهتم بالامور الاساسية وتترك الصغائر لمن هم اقل منك وظيفة او شأن
- اللي اختشوا ماتوا .
- معنى: من اختشى فقد مات وهى ماخوذة من قصة ان نساء يتحممن فى حمام مملوكى عام وفجأة تهدم عليهم فخرجت نساء منهم عاريات ونجين بأرواحهن اما من خاف الفضيحة مات داخل الحمام .
- تفسير: يقال من لمن يفعل شئ مخز ولا يكترث لأداب وثقافة المجتمع المحيط
- اللي ميعرفش يقول عدس .
- معنى: ماخوذة من قصة حول رجل بقال كان يبيع في دكانه العدس فهجم عليه لص وسرق نقوده وجرى فهم التاجر بالجري خلفه وفي اثناء جرى اللص واستعجاله تعثر في شوال من العدس فوقع الشوال وتبعثر كل ما فيه ولما جرى التاجر خلف اللص ظنوا أن اللص سرق بعض العدس فلاموا التاجر وعتبوا عليه و قالوا له: كل هذا الجرى من اجل قليل من العدس ؟!َ فرد التاجر : اللي ميعرفش يقول عدس.
- تفسير: يقال لمن يحكم على الامور من ظاهرها دون التأكد من بواطنها
- اللى يصعب عليك يفقرك.
- معنى: ما صعب عليك شئ حتى تعبت عليه وافقرك
- تفسير: يقال من يفنى عمره فى البحث عن شئ او حل مشكلة ما وقت طويل فتفقره مع طول الوقت .
- اللي عنده دم أحسن من اللي عنده فلوس .
- معنى: من يملك دم - اى يشعر من حوله ويراعيهم - افضل ممن يملك امولا لا ينفع بها إلا نفسه
- تفسير: يقال عندما ينفق الانسان امولا بتعالى على من حوله فيكون من يراعيهم نفسيا افضل ممن يراعيهم ماديا
- اللي فى الحله تطلعه المغرفه
- مرادف: الحلة اى الأناء ، تطلعه أى تخرج منه ، المغرفة ملعقة كبيرة للغرف
- معنى: ان ما يوجد بالحلة يظهر بالمغرفة
- تفسير1: لا يمكن لأنسان ان يظهر شرا او خيرا إلا كان من داخله منه
- تفسير2: يخفى الانسان اشياء كثيرة فى داخله ولا يسطع احد معرفتها إلا شخص أخر يفهم ما بداخله
- الحظ لما يواتى يخلى الاعمى ساعاتى
- مرادف: يواتى أى يأتى ، ساعاتى هو من يصلح الساعات
- معنى: عندما يأتى الحظ يجعل من الاعمى الكفيف البصر يصلح الساعات بما فيها من تروس صغيره
- تفسير: عندما ياتى الحظ لشخص فأنه يغير حالته تماما كما لو كان أعمى ثم ابصر
- الفلوس تخلي العجوز ننوس
- مرادف: الفلوس أى النقود ، تخلى أى تجعل ، العجوز هو الرجل الهرم الكبير السن ، ننوس أى مقبول كما لو كان شابا
- معنى: النقود تجعل من الرجل الهرم الكبير السن مقبول كما لو كان شابا
- تفسير: يمكن للنقود ان تغير رأى الناس فى شخص به اسوأ الخصال
- المنحوس منحوس لو علقنا فبابه فانوس
- معنى: المنحوس اى القليل الحظ دائما منحوس مهما فعل
- تفسير: يقال لمن يلاحقه قلة الحظ والنحس اينما ذهب
- القرد في عين أمه غزال.
- معنى: القرد من وجهة نظر امه وكانه غزال
- تفسير: من يحبونك لا يروا عيوبك
- القرش الأبيض ينفع في اليوم الأسود.
- معنى: القرش - هو جزء من 100 من الجنيه المصرى وكان يسك من الالومنيوم فكان لونه ابيض - ينفع ادخاره لليوم الأسود او السئ
- تفسير: يجب على الانسان ادخار بعض من امواله او اعماله لوقت الضيق
- الغاوى بنقط بطاقيته
- معنى: من يغوى شئ فليتبرع بما يحمله من نقود فى طاقيته - طاقية اى غطاء راس عند الفلاحين المصريين -
- تفسير: أذا كنت تحب شئ وتغوى قربه عليك دفع ماتملكه وتدخره لتنال هذا الشئ
- الغريب اعمى ولو كان بصير
- معنى: الغريب بأرض ما هو اعمى مهما كانت بصيرته
- تفسير: الغريب بأرض ليست ارضه هو يحتاج للمساعدة وكأنه اعمى مهما كانت حكمته
- المية تكدّب الغطاس.
- معنى: الميه (مياه البحر ) تكدب (تكذب) من يريد الغطس بها
- تفسير: يقال عندما يحتار ناس بخبرة شخص فيدخلوه فى تجربة حتى يتاكدوا من قدراته كما لو كان غطاس فى تجربة الغطس فى بحر
- الله يخلي أختي وأخويا، أشم فيهم ريحة أبويا.
- إبعد عن الشر وغنيله
- ابن الوز عوام
- آخر العنقود سكر معقود.
- أدعي على إبني وأكره إللى يقول آمين
- إدي العيش لخبازه ولو ياكل نصه
- إربط الحمار ماطرح ما يعوز صاحبه
- اسأل قبل ما تناسب يبان للردى والمناسي
- أصبر على جار السو ليرحل يا تيجي مصيبة تخده
- إضرب المربوط يخاف السايب
- أعزب دهر ولا أرمل شهر
- الأرض بفلوس و السما ببلاش
- الأم تعشعش والأب يطفش
- الباب إللي يجيلك منه الريح سده واستريح
- البعيد عن العين بعيد عن القلب.
- الجار قبل الدار.
- الجوع كافر
- الحب في القلب زى عضة الكلب.
- الحداية ما بتحدفش كتاكيت
- الحلو حلو لو لسًه صاحى من النوم و الوحش وحش لو استحما كل يوم.
- الحما حمة و لو كانت ملكة من السماء
- الحيطة لها ودان
- الخير على قدوم الواردين.
- الشاطرة تغزل و لو برجل حمار و الخايبة تغلًب النجار.
- الصاحب القديم واصله واستديم.
- الصاحب اللي ما ينفعني في حياتي ما ينفعني بعد مماتي.
- الصديق الصافي في وده لا تزعله ولا ترده.
- الصغار زينه الدار
- الصلح بعد العداوة أطيب من الحلاوة.
- العدد في اللمون.
- العز للرز والبرغل شنق حاله
- العشق بعد الستين زي المش في الطين.
- العضة محبة من عجوز أو شبه.
- العلم عند الصغر كالنقش على الحجر.
- العمر لحظتان الميلاد و الموت.
- الغريب لو صح أحسن من ألف أخ.
- الفقر مش قلة فلوس الفقر قلة عقل.
- القرش الأبيض ينفع في اليوم الإسود.
- القفة أم ودنين يشيلوها اتنين
- اللقمة ما تحلا ولا تطيب الا بوجود الحبيب.
- اللى تخاف منه ، مايجيش أحسن منه.
- اللى على راسه بطحة يحسس عليها
- اللى فات مات.
- اللى ما لوش كبير يشترى له كبير
- إللى ماعهوش ما يلزموش
- إللى معاه قرش محيره، يشتري حمام ويطيره
- اللى مكتوب على الجبين لازم تشوفه العين.
- إللى يجي في الريش بقشيش
- اللى يصبر ينول.
- إللى يعوز الدح ما يقولش أح
- اللى يقول الحق ما يتقالوش لأ
- اللي بتطلع لفوق رقبته بتنكسر
- إللي بيشيل قربة مخرومة بتخر على دماغه
- اللي قلبه على حبيبه، يدور عليه ويجيبه.
- اللي ما ياخذ من قدره، دق البين سدره
- اللي ما يطول قطف العنب، بقول حامض
- اللي ما يعرف الصقر يشويه. (مثل بدوي) .... يعني الذي لا يعرف الشيء يُبخِسُ حقه!
- اللي نحبه نبلع له الزلط، واللي نكرهه نحاسبه على الغلط.
- اللي يتمنى شوفة حبيبه، زي المريض اللي يستنى شوفة طبيبه.
- اللي ينسى آسية أصحابه، يا مكثر أحبابه.
- الي ببطنية العنزة تثغي.
- الي مابقسي قلبه ما بربي ولده
- إن فاتك الميري إتمرغ في ترابه
- انظر إلى اين تخطو فخطاك محسوبة عليك
- ايش دخلك بيت عدوك، قال حبيبي فيه
- الفاضي يعمل قاضي
- إبرة في كومة قش.
- إجرى يا ابن ادم جرى الوحوش، غير رزقك لن تحوش.
- آخر العنقود سكر معقود.
- إذا كان حبيبك عسل ماتلحسوش كله
- إذا لك عند الكلب حاجة قل له يا سيدي
- أسمع كلامك أصدقك ، أشوف أمورك أستعجب
- الحلو حلو لو لسًه صاحى من النوم و الوحش وحش لو استحما كل يوم.
- الشاطرة تغزل و لو برجل حمار و الخايبة تغلًب النجار.
- اللى فات مات.
- اللى مالوش كبير يشتريلو كبير.
- اللى مكتوب على الجبين لازم تشوفه العين.
- اللى يصبر ينول.
- اللي قلبه على حبيبه، يدور عليه ويجيبه.
- اللي نحبه نبلع له الزلط، واللي نكرهه نحاسبه على الغلط.
- اللي يتمنى شوفة حبيبه، زي المريض اللي يستنى شوفة طبيبه.
- اللي يخاف من عفريت، يطلعله.
- أنا و أخويا على ابن عمى و أنا و ابن عمى على الغريب.
- اخد ابن عمى واتغطى بكمى
- اخر خدمة العز علقة
- ابن الحرام مخلاش لأبن الحلال حاجة
- ابن الهبلة يعيش اكتر
- أبن موت
- اتبع الكداب لحد بابا الدار
- اتمسكن لحد ما اتمكن
- اجتمع المتعوس على خائب الرجا
- اخطب لبنتك قبل ما تخطب لابنك
- ادلعى يا سودا فى السنة العوجة
- ادى العيش لخبازه ولو اكل نصه
- ادينى عمر وارمينى البحر
- اذا حضرت الملائكة ذهبت الشياطين
- اذا كان فى خير ماكان راماه الطير
- اربط الحمار مطرح مايريد صاحبه
- اسال مجرب ولا تسال طبيب
- اختار الجار قبل الدار
- اصبر على جارك السو يايرحل ياتيجى مصيبة تاخده
- اصرف ما فى الجيب يأتيك ما فى الغيب
- اضرب الارض تطلع بطيخ
- اطعم الفم تستحى العين
- اعز الولد ولد الولد
- اعلى ما خيلك اركبه
- اعمل الخير وارميه البحر
- اقرع ونزهى
- اكبر منك بيوم يعرف عنك بسنة
- اللى اوله شرط اخره نور
- البعيد عن العين بعيد عن القلب
- اللى تعرفه احسن من اللى ماتعرفهوش
- اللى ايده فى الميه مس زى اللى ايده فى النار
- اللى اعطاك يعطينا
- اللى على راسه بطحة يحسس عليها
- اللى فات مات
- اللى ليه ظهر ماينضربش على بطنه
- اللى ماتعرفش ترقص تقول الارض عوجة
- اللى ماياخدنى كحل فى عينه ما اخده صرمة فى رجلى
- اللى نبات فيه نصبح فيه
- اللى وقع يتصلح
- اللى يتجوز اتنين ياقادر يافاجر
- اللى يجوز امى اقوله يا عمى
- اللى يجى فى الريش بقشيش
- اللى يرشك بالميه رشه بالدم
- اللى يريحك من التوم قلة اكله
- اللى يعمل نفسه حيطة يشخوا عليه العيال
- اللى يعيش ياما يشوف
- اللى يقول لمراته يا عورة يلعبوا بيه الكورة
- اللى يقول لمراته يا هانم يقابلوها على السلالم
- امشى فى جنازة ولا تمشى فى جوازة
- ان جاك الطوفان خد ابنك تحت رجليك
- ان دخلت بلد تعبد العجل حش واديله
- ان كنتم اخوات اتحاسبوا
- انضف من الصينى بعد غسيله
- ان لقيتى بختك فى حجر اختك خديه واجرى
- اول القصيدة كفر
- اول ماشطح نطح
- الايد البطالة نجسة
- الايد اللى ما تقدر اقطعها بوسها
- ايد واحدة ماتسقفش
- ايش جاب لجاب
- ايش يعمل الترقيع فى التوب الدايب
- أعمل حاجتى بإيدى ولا أقول للكلب يا سيدى .
- العرق يمد لسابع جد .
- اعمى وبيجرى فالنخل
- اكرام الندل اجتنابه
- الصمت حكمة والسكات سلامه ولولا صراخك ياطير ما كان يجرالك ندامه
- الدخان القريب يعمى
- الغربال الجديد لو علاقه
- الجار للجار لو كان جرار
- باب النجار مخلّع.
- معنى: باب النجار دائما مايكون مكسور
- تفسير: يقال من ينفع الناس بمهنته بينما لا ينفع بها نفسه او بيته
- بات غلبان و لا تباتش ندمان
- بعد ما كان بينام على المصطبة نجدله لحاف و مرتبة
- بناتي فراشي وأولادي غطاي
- بنت الرجال عانت واستعانت، وبنت الأنذال حطت راسها ونامت
- بات معرش ولا تبات مكرش
- تشرق و احنا في القصور و تغرب و احنا في القبور
- تطعميني جاجة سمينة ولا تبيتيني عليها حزينة
- تعلمني الصيد احسن من انك تعطيني كل يوم سمكه
ثور لاهي في برسيمه
- جت الحزينه تفرح ، ما لقيتلهاش مطرح.
- مرادف: جت (جائت) الحزينة (المرأة الحزينة) تفرح ، مالقيتلهاش (لم تجد لها ) مطرح (مكان)
معنى : جاء الرجل ليسعد لم يجد له بين السعداء مكانا
- تفسير: بعد أن تخلص الرجل من كل همومه و حل مشاكله كلها و أخيرا سيفرح و يأتيه الفرج تظهر له مشكلة تعيده الى همومه مرة أخرى ولا يذوق الفرح
- جابوا الأقرع يسرح لبنت السلطان.
- معنى: جابوا (اتوا) الاقرع (الرجل بلا شعر) يسرح (يمشط الشعر) بنت السلطان .
- تفسير: يقال عندما يطلب من شخص بلا خبرة بشئ ما ان يفعله او يتمه
- جيت اتاجر في الكتـان ماتت النسوان
- معنى: جيت (جئت) اتاجر بالكـتان فماتت النسوان
- تفسير: يقال عن الشخص قليل الحظ الذى يختار موضوع ويتعب فى تحضيره ثم يذهد عنه الناس قبل عرضه
- جاب عاليها واطيها
- جبت سيرة القط طلع ينط
- جنة من غير ناس ما تنداس
- جيت اشتغل فى الحنه كترت الاحزان جيت اشتغل مسحراتى لغوا رمضان
- جات تكحلها عمتها.
- جحشك الاعرج ولا جمايل ابن عمك
- حاميها حراميها.
- معنى: من يحمى (البيت او المنشأة) هو نفسه من يسرقها
- تفسير: يقال عندما ينتشر الفساد (المالى خاصا) بين اصحاب النفوذ او المناصب
- حسنة قليلة تمنع بلاوى كتيرة
- حمارتك العارجة تغنيك عن سؤال اللئيم
- حيِّل النسوان غلبت حيِّل الغيلان
- خنفسه شافت ولادها ماشيين ع الحيط ، قالت : ياسلام ع اللولي اللي ملضوم في خيط
- معنى: الحيط اى الجدار ، اللولى هو اللؤلؤ ، ملضوم اى مربوط ببعضه -
- تفسير: لا احد يرى مميزات شخصيتك ويمدحك اكثر من عائلتك واقرابائك مهما كنت صغيرا مثل الخنافس
- خد صاحبك على عيبه
- خذ الأصيلة ونام على الحصيرة
- خطبوها اتعززت وفاتوها إتندمت
- خرج من المولد بلا حُمّص.
- ديل الكلب عمره ما يتعدل ، و لو علقّوا فيه قالب.
- معنى: ديل (ذيل) ، مايتعدل (لن يستقسم) ، قالب (قالب من الطوب)
- تفسير: لن يستطع شئ ان يغير الانسان فى شخصيته او ما اكتسبه فى حياته
- دارى على شمعتك تقيد
- رجعت حليمة لعادتها القديمة.
- معنى: حليمة هي زوجة حاتم الطائي الذي اشتهر بالكرم كما اشتهرت هي بالبخل. كانت اذا ارادت ان تضع سمناً في الطبخ واخذت الملعقة ترتجف في يدها . فاراد حاتم ان يعلمها الكرم فقال لها: ان الاقدمين كانوا يقولون ان المراة كلما وضعت ملعقة
من السمن في طنجرة الطبخ؛ زاد الله بعمرها يوماً. فأخذت حليمة تزيد ملاعق السمن في الطبخ حتى صار طعامها طيباً وتعودت يدها على السخاء. وشاء الله ان يفجعها بابنها الوحيد الذي كانت تحبه اكثر من نفسها. فجزعت حتى تمنت الموت. واخذت لذلك تقلل من وضع السمن في الطبخ حتى ينقص عمرها وتموت. فقال الناس: عادت حليمة الى عادتها القديمة.
- تفسير: يقال لمن تعود على شئ ثم غير عادته تماما وبعد فترة رجع لاصل عادته
- زى القرع يمد لبره
- زى اللى رقصت على السلم للى فوق شافها ولى اللى تحت شافها
- زى الهم عالقلب
- زى الصراف لما يتعزر يألب فدفاتره الأديمه
- زى القطط بسبع ترواح
- سودة وبنت عبده وليلى دخلتها يوم الحد
- سابعه صنايع والبخت ضايع.
- سكة الاقرع من على سوق الطواقى
- شحات وعاوز عيش فينو.
- شيل دة من دة، يرتاح دة عن دة
- مد رجليك على قد لحفك
- شارب بالقرش كله
- صباح الخير يا جاري . انت في حالك وانا في حالي
- تفسير: يقولها شخص لجاره (فى العمل او البيت) تحزيرا منه بالا يتدخل فى شئونه كما يفعل هو
- صاحب الملوحة كل البرص
- تفسير: قصة عن بائع سمك مملح أكل برص (زاحف) وجد مع السمك حينما شكك الشاري في نظافة بضاعته.
- صاحب الحق سلطانا
- صباح الصباح اللي جاي احسن من اللي راح
- ضربوا الأعور على عينه قال : ’ماهي خربانة خربانة
- معنى: الاعور هو من فقد بصر عين واحدة ، ماهى خربانة اى ان عينيه بلا بصر بالفعل
- تفسير: يقال عندما يتجرأ شخص على كسب شئ وهو لايكترث للخساره لانه خسر من قبل بالفعل
- طمعنجى باناله بيت فلسنجى سكنـله فيه.
- معنى: طمعنجى اى طماع ، باناله اى بنى له ، فلسنجى اى شخص فقير لا يتملك فلسا ولاحدا ، سكـنله فين اى سكن فيه
- تفسير: عندما يطمع النسان بشئ فيأتى شخص اشقى منه وياخده منه
== ظ ==ذهب الظمأ وابتلت العروقا لظاهر لنا والخافي عليك ظراط البل ولا تسبيح السمك الظراط شبع ظنان الاخوان خالي من الاحسان الظن السوء يودي جهنم
- عشمني بالحلق خرمت أنا وداني لا خرم ودنى انسد ولا الحلق جانى.
- معنى: ودانى اى اذنى . عشمنى شخص بان يشترى لى حلق لأذنى فخرمت - فتحت فتحة فى اذنى ليتدلى منها الحلق - لكنه لم يوف بالحلق ولم استطع سد الفتحة فى اذنى
- تفسير: يقال عن الشخص الذى يعد بشئ كبير فيستعد الناس له إذ به لا يوف والناس يضيع استعداتها هباء
- علم في المتبلم ( المتبلد ) يصبح ناسي.
- معنى: مهما تعلم فى شخص متبلد فلن يتعلم ابدا
- تفسير: يقال لمن الذى لا ينفعه ماتعلم ويكرر اخطائه
- عبر العفش يتنفش.
- عشمنى بالمحبة وشعلقنى بالهوا.
- على وشك يبان يا نداغ اللبان
- علمناهم الشحاته سبقونا عالابواب.
- على رأسه ريشة. (أي مستثنى و مختلف)
- عشم ابليس فالجنة
- عاملى ودن من طين وودن من عجين
- غناه من مرته وفقره من مرته
- غالي والطلب رخيص
- فات الكتير ومش باقى غير القليل.
- معنى: فات ( مر )
- تفسير: فى الطريق لحل مشكلة ما قد مرت معظم الامور الصعبة ولم يبقى غير القليل لننهى المشكلة
- فاضل على الحلو دقة.
- معنى: فاضل (باقى) على الحلو (الغرض المنتظر ) دقة (اى القليل جدا من الجهد)
- تفسير: فى الطريق لحل مشكلة ما قد لم يبقى لنيل المراد غير جهد بسيط مثل دقة على باب
- في الوش مرايه والقفا سلاية.
- معنى : الوش اى الوجه ، مراية اى مرآة ، القفا اى خلف الرقبة والمقصود عند البعد ، سلاية اى شوكة
- تفسير : يقال لمن يظهرون لك المحبة فى وجهك كانك تنظر لنفسك فى المرآة ولكنهم ينافقوق عندما تعطيهم ظهرك
- فولة و انقسمت نصفين. "أى شيئين متطابقين تماما"
- قالوا للحرامي احلف قال جانى الفرج
- مرادف: حرامى أى اللص ، جانى أى جائنى
- معنى: عندما طلبوا من اللص ان يحلف انه لم يسرق فقال لقد جائنى النجدة
- تفسير: يقال عن شخص من السهل عليه ان يحلف زورا ليثبت انه فعل اشياءا خيرا كانت أو شر
- قالو يا قاعدين يكفيكوا شر الجايّين.
- مرادف: قاعدين أى الجالسين (فى مكان ما) ، الجايين أى القادمين عليهم
- معنى: اللهم ابعد عنا شر القادمين علينا
- تفسير: يقال عندما يعرف ان هناك اشخاص جدد سيأتون على عملك او بيتك ولا تعرف غرض الزيارة فيخاف الانسان من المجهول فيدعوا الله أن يبعد شر القادمين
- قالوا الجمل بيطلع النخلة قالوا أدى الجمل وأدى النخلة.
- مرادف: بيطلع أى يصعد ، أدى أى ها هى
- معنى: قالوا ان الجمل يستطع ان يصعد النخلة فاهو الجمل وها هى النخلة فهل يصعد !!؟
- تفسير: يقال عن الشخص الذى يبالغ جدا فيما قد يستطع عمله فيسأله الناس فلتفعلها لنرى .
- قالت للهم انا رايحة اتفسح قالها هو انا مكسح .
- فلت للهم انا رايحة اتفسح قالى وراكى وراكى هو انا مكسح
- قلبي علىّ ولدى انفطر ، وقلب ولدى علىّ حجر.
- معنى: لقد انفطر قلبى من شدة الخوف على أبنى وهو لايكترث إلا بنفسه
- تفسير: يقال عن شخص لا يكترث بأهله أو من حوله او من يحبونه بالرغم انهم يراعونه تماما
- قليل البخت يلاقي العضم في الكرشه.
- مرادف: البخت أى الحظ ، يلاقى أى يجد ، العضم أى العظم ، الكرشة بطن البقرة أو الجاموسة
- معنى: قليل الحظ يمكنه ان يجد عظما ختى لو اشترى لحمة بطن الحيوان التى من المستحيل ان نجد بها عظما
- تفسير: يقال عن شخص يلاحقه قله الحظ وقلة الحيلة فى حياته بشكل متكرر
- قليل البخت يعضه الكلب في المولد
- مرادف: البخت أى الحظ ، المولد هو احتفال كبير بالمولد النبوى على شكل سوق كبير ومشهور بكثرة زواره
- معنى: قليل الحظ يمكنه ان يتعرض لعضة كلب من بين الكثيرين فى احتفال المولد
- تفسير: يقال عن شخص يلاحقه قله الحظ وقلة الحيلة فى حياته بشكل متكرر
- قالو للقرده إتبرقعي ، قالت ماانا وشّي واخٍد عالفضيحه .
- قرعة وتتعاجب بشعر بنت أختها , يعنى واحدة شعرها قصير ولما بسألوها شعرك قصير ليه ترد وتقول بنت اختى شعرها طويل
- كانت القدرة ناقصة بتنجانة صبحت طافحة و مليانة (يختصر إلى: ما هى كانت ناقصة)
- مرادف: القدرة وعاء كبير ، بتنجانة ثمرة الباذنجان الواحدة ، مليانة أى مليئة
- معنى: كان الوعاء ينقصه ثمرة واحدة ولما وضعوها امتلئت عن آخرها وسكبت الفائض ايضا
- تفسير: يقال عن مشكلة معقدة ولما اضاف لها شخص شيئا هيناً إزدات وكبرت
- قبل ما تدور على مرة دوّر لابنك على خال
- قعدة الخزانة ولا جوازة الندامة
- كلام الليل مدهون بزبدة ، يطلع عليه النهار يسيح .
- مرادف: الذبدة مؤنث الذبد
- معنى: الكلام الذى يلتزم به شخص فى الليل لا يلتزم به فى النهار المقبل
- تفسير: يقال عن شخص يغير ما إلتزم به فى ليلة ما دون أسباب وكأنه كالذبد وساحت
- كل برغوت على قد دمه
- كل فولة مسوسة لها كيال اعور
- كل فولة و لها كيال
- كل قدر لها غطى
- كل واحد متعلق من عرقوبة.
- كلب و مسك عظمة.
- كنت مرتاحة ، وجبت لنفسي حاحة (العبءالمُلح)
- كانت خالتى وخالتك وانقطعت الخالات
- كتر الحزن يعلم البكى
- لبس البوصة تبقى عروسة
- مرادف: لبس أى البس وضع لباسا ، البوصة هو بنات ينمو على النيل طويل ورفيع جدا ، تبقى أى تصبح ، عروسة أى عروس
- معنى: إذا البست البوصة بشكل جيد سيتحول شكلها إلى اجمل العرائس
- تفسير: يقال عن الشخص الذى ينفق على مظهره وملابسه - او ينفق عليه شخص أخر - بشكل مفرط بينما فى جوهره شخص عكس ما تظهره ملابسه
- لو دخل الفقر من الباب خرج الحب من الشباك.
- تفسير: يقال عندما تدب المشاكل بين حبيبين وكرهوا بعضهما فيكون السبب الرئيسى هو الفقر
- لا تعايرنى ولا أعايرك دا الهم طايلنى و طايلك.
- مرادف: تعايرنى أى أذلك بشئ ما ، دا الهم أى ها هو الهم ، طايلنى أى طال منى
- معنى: لا تذلنى بشئ ولا أذلك بشئ فإن الشر طال طالنى وطالك
- تفسير: يقال لشخص يذلك أخر وهما يعانون من نفس المشكلة
- لا عمر المية الساقعة تروب ولا عمر الغلس يبقى حبوب
- لولاك يا لساني ما انضربت يا قفايا
- لا تعيب على العايب و لا ترقع في الدايب .
- لأجل الورد ينسقي العليق
- لو السماء حتمطر زلابية كانت غيمت عجين
- لو تجري جري الوحوش غير رزقك لن تحوش
- لاقينى ولا تغديني
- لا تتدخل فيما لا يعنيك حتى لا تنال ما لا يرضيك
- لما تتكحل العمشه يكون السوق خرب
- ماهى كانت ناقصة
انظر: كانت القدرة ناقصة بتنجانة صبحت طافحة و مليانة
- تفسير: يقال عن مشكلة معقدة ولما اضاف لها شخص شيئا هيناً إزدات وكبرت
- من بره هالله هالله ، ومن جوا يعلم الله.
- مرادف: هالله لفظ تعجب مثل يا الله ، جوا اى من الداخل
- تفسير : من الخارج تتعجب لما تراه فى شخص او شئ أما من الداخل فإن الله وحده يعلمه من شر او خير
- ياداخل بين البصله و قشرتها ما ينوبك الا صنتها.
- مرادف: البصلة هى ثمرة البصل الواحدة ، ينوبك أى ينالك ، صنتها أى رائحة البصل النفاذة
- تفسير: من يحاول اى يدخل بين شخصين متقاربين دون أذن منهما لن ينوله إلا التجريح منهما
- مبروم علي مبروم ميلفش
- مرادف: مبروم أى ملفوف ويقصد الحبل ، ميلفش أى لا يلف على بعضهما
- تفسير: يقال عندما يحاول شخص ان يخدع أخر وهذا الأخر مخادع بالأساس
- من كتر همه أتجوز واحدة أد أمه
- مرادف: كتر أى كثرة ، همه أى مشاكله ، اتجوز أى تزوج ، أد أى فى مثل عمر
- معنى: من كثره مشاكله تزوج أمرأة فى مثل عمر أمه
- تفسير: يقال عن شخص باع نفسه لأمرأة غنيه كبيرة فى السن حتى يهرب من مشاكله (خاصة المالية )
- مد رجليك على قد لحافك.
مرادف : مد : أبسط .. رجليك : قدميك .. على قد : بطول .. لحافك : غطائك .. معنى : تحلى بما في يديك فقط .. تفسير : أي لا تطمع في أغراض غيرك و ترغب في امتلاكها فقط استمتع بما في يديك و ما في قدرتك ..
- مد لحافك على قد رجليك :
مرادف : انظر المثل السابق .. معنى : تعامل مع من في مستواك .. مثل ( اتكلم على قدك ) .. تفسير : يقولها الشخص لشخص شتمه أو أساء اليه بغرض أن يقول له : أنت لست من مستواي لتعاملني بهذا الشكل ، فأنا أعلى منك و أنت نسبيا لا شىء ، فلا تحدثني بهذا الشكل مرة اخرى لأنك لا تعلم ما في وسعي ..
- ما تستاهل الكرا إلاّ اللي تركب الزرار والعرى
- ما ينوب المخلص إلا تقطيع هدومه
- ماتبكيش على اللى ضاع ماله ابكى على اللى وقف حاله.
- ماتعرفش قيمة ابوك غير لما تشوف جوز امك
- مافيش حلاوة من غير نار
- مد لحافك على قد رجليك
- من رقعت ما عريت، ومن دبّرت ما جاعت
- من طلع من داره إتقل مقداره
- مرة تفوت ولا حد يموت.
- مش كل مرة تسلم الجرة
- مصارين البطن تتعارك.
- من طقطق إلى السلام عليكم : أي بأدق التفاصيل .
- من فات قديمه تاه.
- موت وخراب ديار.
- ميشكرش فالسوق الا من ربح منه
- من كتر خطابها بارت
- ميعرف كرامة امه الا ميشوف مرات ابوه
- نقول طور يقولوا احلبوه !
- مرادف: طور ذكر الثور
- معنى: بالرغم انه ذكر الثور إلا انهم يصرون ان نحلب منه اللبن
- تفسير: يقال عن شخص يصر على شئ برغم استحاله حدوثه
- نهيتك ما انتهيت و الطبع فيك غالب و ديل الكلب ما ينعدل و لو علقوا فيه قالب
- معنى: نهيتك أى طلبت انتظرت منك نهاية لوضع ما ، ديل (ذيل) ، مايتعدل (لن يستقسم) ، قالب (قالب من الطوب)
- تفسير: لن يستطع شئ ان يغير الانسان فى شخصيته او ما اكتسبه فى حياته
- نام على الجنب اللي يريحك
- نوم السراري للضحى العالي
- هي الكحكه في إيد اليتيم عجبة
- مرادف: الكحكة اى الكعكة ، ايد أى يد ، عجبة أى شئ عجيب
- معنى: اليست الكعكة فى يد اليتيم شئ عجيب!
- تفسير: يقال عن شخص نال شيئا كبيرا ولم يتوقع احد ان هذا الشخص يقدر ان يناله .
- هبلة ومسكوها طبلة.
- هَمّ يبكِّي وهَمّ يضحِّك.
- وداني البحر ورجعني عطشان
- وجع البطون ولا كب الصحون
- يا مستنى السمنة من دهن النملة عمرك ما حتقلى
- مرادف: مستنى أى منتظر ، السمنة أى السمن ، حتقلى أى سوف تقدحه على مقلاة
- معنى: إذا انتظرت أن تأخد الدهن من النملة مثلما تجلبه من البقرة فلن تستطع ان توفر الكمية المطلوبة للطبخ ابدا
- تفسير: إذا انتظرت من الشخص البخيل شئ فأنك ستنتظر طويلا جدا
- يا مصبر الوحش على الجحش!
- مرادف: مصبر أى يا معطى الصبر ، الوحش القصود به الاسد ، الجحش المقصود به البلاء الغبى
- معنى: الهم صبرنى على البلاء
- تفسير: دعاء لله ان يلهم الصبر للانسان مع تشبيه الانسان لنفسه بالوحش الذى يصبر صبرا طويلا حتى يستطع الهجوم على الجحش وينتهى منه
- يا بخت من زار وخفف!
- مرادف: بخت أى حظ
- معنى: يارب اسعد الشخص الذى يزور من يحبهم ثم يرحل فى اقرب وقت دون ان يجهدهم او يكلفهم
- تفسير: دعاء يقوله من استطاع ان يكون خفيفا فى زيارته من حيث الوقت والجهد والتكلفة
- يا صبر أيوب ( أيوب عليه السلام ).
- تفسير: دعاء ان يعطى الله الانسان صبر ايوب عليه السلام على البلاء
- يا بخت من بات مظلوم و مبتش ظالم.
- مرادف: مبتش أى لم يبات
- معنى كم هو محظوظ من بات مظلوما وليس ظالما
- تفسير: يقال لمن يطلب دينه من احد فيقال له هذا المثل حتى يرق قلبه لمن لا يستطع رد الدين
- يا بخت من قدر وعفىى
- مرادف: بخت اى حظ ، قدر اى بيديه ان ينال من احد
- تفسير: كم هو محظوظ من بيديه ان ينال من احد ولا يفعل
- يا نحلة لا تقرصيتى و لا عايز منك عسل
- مرادف: تقرصينى اى تلسعينى ، عايز اى اريد
- معنى: يا ايها النحلة لا اريد منك عسل وفى المقابل لا تسلعينى
- تفسير: يقولها شخص لاخر يريد ابعاده عنه ولا يتدخل فى شئونه وبالمقابل سيفعل نفس الشئ
- يرزق الديب العجوز بالنعجه السمينه
- يموت الزمار وصوابعه بتلعب
- مرادف: الزمار هو من يعزف بالمزمار
- معنى: يموت لاعب المزمار ولا تستطع اصابعه ان تتوقف
- تفسير: يقال لمن تسيطر عليه عادة او طبع فيكون صعب عليه ان يتركها مهما حدث حتى ولو مات
- يا واخده القرد على ماله يروح المال ويبقى القرد على حاله
- مرادف: واخدة أى متزوجة ، على ماله المقصود بسبب ماله ، يروح اى يذهب ويضيع
- معنى: من تتزوج رجل قبيح كالقرد من اجل ماله فقط سيأتى يوما يضيع المال وينتهى وسيبقى القرد كما هو
- تفسير: يقال للشخص الذى يبيع نفسه ويتزوج رجل او أمرأة قبيحة او ذو اخلاق سيئة من اجل ماله فقط
- يقتل القتيل ويمشي في جنازته.
- تفسير: يقال لمن يأتى بالمصائب للناس ثم يأتى ويعزيهم كما لو كان بريئأ
- يا مآمنة للرجال يا مآمنة للمية في الغربال
- يا مخلفة البنات يا شايلة الهم للمات
- يا مربي في غير ولدك يا باني في غير ملكك
- ياما جاب الغراب لأمه.
- يخلق من الشبه 40.
- يوم لك و يوم عليك.
- يعمل من الحبة قبة ومن الزبيب خمارة.
