أمثال جزائرية

• اللي بغا الشباح ما يقول آح 
• قلل ناسك يرتاح راسك 
• اللي يحبني ما بنالي قصر و اللي يكرهني ما بنالي قبرواللي يحبني نديرو فوق راسي تاج واللي يكرهني لصباطي نديرو سيراج 
• يدور عليك الزمان يا ناكر خيري و تعرف قدري كي تعاشر غيري 
• البصلة عمرها ما تولي تفاحة و الرخيس لا تبان فيه ملاحة و ناس هاد الزمان ما تفيد معاهم غير القباحة 
• آتاي العشية خير من بقرة مشوية 
• ما نقطع واد حتي تبان حجارو و ما نمشي فالليل حتى يطلع نهارو وما نصاحب الصديق حتى نسمع خبارو 
• ناكل الخبز البايت و الا سفنج الشمايت 
• ما نبيعوش اللي يشرينا و ما نكرهوش اللي يبغينا و ما نغدروش اللي يثيق فينا الحمد لله هكا تربينا 
• حاجة ما تدوم كي مشات الضحكة تمشي الهموم 
• اللي فاتك بالزين فوتو بالنظافة و اللي فاتك بالفهامة فوتو بالظرافة 
• الي يلعب مع والديه بكى 
• ما يتعمروا الأبراق إلا من فم القلل 
• اقصد البيت الكبيرة إذا ماتعشيت تبات للدفا 
• الرجال تعرف الرجال والخيل تعرف فرسانها 
• الحرمة سيف كلخ، تضرب بيه يتكسر 
• من هاب الرجال هابوه 
• اللي باعك بالفول بيعه بالقشور 
• لا ترفع شأن من لا شأن له، ولا تعطي حرمة للرعيان 
• اللي يشكروه مية ما يذموه اثنين 
• الله يجعل خويا سبع (أسد) وأنا كعالته(الكعالة: الذيل) 
• خوك خوك لا يغرك صاحبك 
• اللي حب يروح بابنا مفتوح ماراح نموتوا على جالو ماتطلع الروح 
• شكون اللي سامع بيك يا حريرة نهار العيد 
• ترخصي يا الزرقاء (في إشارة للفرس) ويركبوك بني عداس 
• تاج الدين عازم 
• إمرأة تعييك و إمرأة تعليك 
• خنفوسة تلهيني و الا غزالة تشقيني 
• المرا الحلاحة غلبت السحارة 
• * بنات بكري قالو : ما ناكل زبدة ما نشرب رايب و ما تحلى القعدة و حبيبي غايب 
• * بنات اليوم قالوما نعجن خبزة ما نقي خضرة نستنى حبيبي يعشيني برا 
• اللي باعت الجنة بتفاحة تبيعك و هي مرتاحة 
• اللي ياكل لقمتي يلزم يسمع كلمتي 
• كاين الي عندو جوابو في فمو و كاين الي عندو داسو في كمو و كاين الي حتى يشاور امو 
• الي يلقى راحتو في الهبال ما عندو مايدير بالعقل 
• الحر بالكلام والبتي بالرزام.(الحر يفهم بالكلام فقط اما الغبي لا يفهم الا اذا ضربته) 
• وجه الخروف معروف 
• زواج ليلة تدبيره عام 
• في الصيف قاطو و المشتة بوقاطو 
• الزواج بحرو أزرق الي يدخلو يغرق و الي ما وصلو يحمق 
• طول العشرة تعرف الذهب من القشرة 
• اذا تفاهمت لعجوز والكنة يدخل بليس للجنة. 
• قلب البرمة على فمها تخرج الطفلة لأمها. 
• لما كان عايش شوقوه في تمرة، ولما مات علقوا له عرجون. 
• صام صام وافطر على بصلة. 
• كل تأخيرة فيها خيرة. 
• كي شاب علقو له الحجاب. 
• حتى يزيد وانسموه سعيد ويقال بو زيد. 
• الهدرة والمغزل. (أي تكلم ولا تتوقف عن العمل) 
• حتى ينور الملح 
• دوام الحال من المحال 
• سبق الميم تنجى 
• المكسي برزق الناس عريان. 
• البلاء اذ جاك من جناحك قصو 
• لسانك اذا صنته صانك واذا خنته خانك 
• الماكلة بلا ما(ماء) من قلة الفهامة. 
• انا نحفرلو في قبر امه وهو هاربلي بالفاس 
• قلبي على ابني وقلب ابني على حجرة. 
• جزار وعايش باللفت. 
• الزوخ والفوخ والعشا قرنينة. (التباهي والتعالي والحقيقة عيشة مزرية) 
• ضربني وبكى وسبقني واشتكى. 
• اتبع الكذاب حتى باب الدار. 
• الراعي والخماس متخاصمين على رزق الناس. 
• سكران ويعرف باب داره. 
• يقتل القتيل ويمشي في جنازته. 
• سيدي زين وزادته حبة في العين. 
• عين الشاري حمراء (من يريد الشراء يظهر عنه ذلك) 
• حتى شبع وسمى. (تذكر البسملة عند انتهائه من الأكل - للحديث عن فوات الوقت) 
• صاحب الحاجة أعمى 
• ضربة الجايح توتي 
• راحت رجال الهيبة وبقات رجال الخيبة 
• كل جيل مع جيله يلعب 
• اللي حضر على بوه سمع واش فال جده 
• دراهم المشماش يروحو في الباكور 
• أولاد الكلبة كلهم كلاب. 
• القط يعلم ابوه النط. (انقلاب الحال) 
• بات مع الدجاج، أصبح ايقاقي 
• الجمل يضحك من حدبة خوه ونسى حدبته. 
• الخنفوس في عين أمه غزال 
• المندبة كبيرة والميت فار. 
• ولد الفار حفار 
• ما خص الذيب غير النديب وما خص الاعمى غير الكحل. 
• كالديك، يعرف كل الأوقات وما يصليش. 
• الذيب كي شاف العنقود بعيد قال حامض. 
• القط كي ما تطيرلوش الشحمة يقول مخنزة 
• راح البعير وما ترك غير بعره 
• حتى يشيب الغراب 
• عين تعس على القط والأخرى تقلي في السردين 
• الي قراه الديب حافظوا السلوقي. 
• الي قرساتو اللفعى من الحبل يخاف . 
• الشي الي خاطيك يعييك. 
• اذا كان حبيبك عسل ما تلحسه كله. 
• كول ما يعجبك وألبس ما يعجب الناس. 
• الي يسكت على الي ضره، إبليس غره. 
• البس النعالة حتى تلقى السباط. 
• يا طفلة، خبي زينك لا يتشاف وخبي شينك لا يتعاف. 
• ما ناكل بصل ما نحصل 
• يد الله مع الجماعة 
• إذا تجددت الأحوال تجددت الأقوال 
• ما تخلط روحك لنخالة ما ينقبوك الجاج. 
• ألولا عسل ،الثانيا بصل وثالثا تحصل. 
• لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل. 
• الخدمة مع النصارى ولا القعاد خسارة / المعاونة ولو مع النصارى ولا القعاد خسارة. (أن تعمل ولو مع النصارى خير من البطالة) *لفساد ولا لقعاد. 
• الي دارها بيديه ايحلها بسنيه. 
• جاء يسعى، ضيع تسعة. 
• هرب من قاطعي اليدين، طاح في قاطعي الريسان. 
• جاء يكحلها اعماها. بمعنى أراد ان يضع لها الكحل في عينيها حتى افقدها البصر 
• من لحيته وبخر له. 
• دعوة بلا ذنوب في رأس مولاها تذوب. 
• شوي من الحنة وشوي من رطابة اليدين. 
• يد وحدة ما تصفق. 
• العود الي تحقره يعميك. 
• تخطي راسي وتفوت. 
• غطى الشمس بالغربال. 
• دار النساء والقصعة يابسة. 
• ما يبقى في الواد غير حجاره. 
• يا مسك أنا ما نحبك بصح (ولكن) ميت من همك. 
• الفم المغلوق ما تدخله ذبّانة (ذبابة). 
• ما يحس بالجمرة غير الي عافس عليها. 
• يدير من الحبة قبة (المبالغة). 
• ياكل الغلة ويسب الملة. 
• اللي يديه في الماء مشي كيما اللي يديه في النار. 
• يستاهل زوار مرته. 
• اللي ذاق البنة ما يتنهنى. 
• الضيق في القلوب. 
• الضيف ضيف ولو يقعد الشتاء والصيف. 
• خفيف الاقدام يتعاف ولو كان وجهه مرايا. 
• أخدم باطل ولا تقعد عاطل. 
• شحال من قبة تنزار ومولاها في النار. 
• الي ماهو ليك غير يعييك. 
• حماري ولا عود الناس. 
• حج وشرب من زمزم و جاء للبلاء متحزم. 
• ازرع ينبت. 
• يفنى مال الجدين و تبقى حرفة اليدين. 
• فوت على الواد الهايج وما تفوتش على الواد الساكت. 
• دير كي جارك و لا بدل باب دارك. 
• العبد في التفكير والرب في التدبير 
• الي يحب أشباح ما يقول آح 
• دير الخير و انساه و دير الشر واتفكره 
• مول التاج ويحتاج 
• يا قاتل الروح وين تروح 
• كول ألي يعجبك و البس ألي يعجب الناس 
• مول الفول يقول طياب 
• الي فات زمانه ما يطمع في زمان الناس 
• وين يبان خيطك في البردعة 
• من عندي ومن عندك تنطبع و إلا غير من عندي تنقطع 
• واش يدير الميت في يد غسالو 
• زواج ليلة تدبيرتو عام 
• الي في كرشه التبن يخاف من النار 
• كي تتعمر الكرش تقول للراس غني 
• الي فايتك بليلة فايتك بحيلة 
• كثير لصحاب يقعد بلا صاحب 
• الي عنده غول شا يقول 
• مازال مادخلناش قبرك يا عزرائيل 
• شوية من الحنة و شوية من رطوبة اليدين 
• الي ربطها بيديه يفكها بسنيه 
• كل خنفوس في عين يماه غزال 
• راح لبلاد النساء جاب عجوز 
• البعرة تبع ختها لو كان في البحر 
• قول لي أشكون صاحبك نقولك أشكون انت 
• كل جنس يهوى جنسه 
• تحسب الجنة فندق 
• تحسب الجزائر قربي (كوخ) 
• الإحتياج يعلم السرقة 
• مول التاج و يحتاج 
• البرد يعلم سرقة الفحم 
• شاقي ولا محتاج 
• احييني اليوم واقتلني غدوة 
• إذا قتلت اللفعة (الأفعى) أقطع لها رأسها 
• الاحسان يقطع اللسان 
• الي ما يحسن لنفسه ما يحسن لغيره 
• أحسن بامرأتك تأخذ مراة جارك 
• جريدة تقليه 
• جواب الأحمق السكوت 
• ما يصعب الحق إلا على الأحمق 
• خياط و حوايجو مقطعين. 
• المكسي بحوايج الناس عريان. 
• احفظ الميم تحفظك. 
• دير الخير وانساه وديرالشروتفكرو 
• مول الخير، الخير دواه. 
• الي يزرع الريح يحصد غبارو وما يبقى فالواد غير حجارو. 
• ما يحس بالجمرة غير اللي عافس عليها. 
• كي رقد و فاق لقى روحو في الزقاق. 
• الحجرة من عند الحبيب تفاحة . 
• خلطا بلطا والجرب يعدي. 
• ونطقت القرنينة(نبات يؤكل)وقالت ماكاين في الدنيا غير انا بنينة. 
• في أخر سنبلة قطع صبعو. 
• عجوزة وحكمت سراق 
• قالت العودة: " منين ولدت ولادي - ما كليت علفي وافي - بين الغرزة و الغرزة ترقد المعزة " 
• لمربي من عند ربي 
• زاوش في يديك ولا عشرة في الشجرة" 
• الزين بلا عقلية كي رمضان بلا زلابية 
• لحيوط عندهم ودنين 
• بات مع الجاج صبح يقاقي 
• خدمت عام شريت فيستا ريحت عام شريت فيستا. 
• ألي ما راهو ليك يعيك" 
• داري تستر عاري 
• ألي يحبني يحبني بخنونتي 
• الجديد حبو والقديم ما تفرط فيه 
• الهدرة عليا والمعنة على جارتي 
• حوحو يشكر روحو والعروسة تشكرها مها ولا فمها. 
• الزين ما يتشراش بالمال وكل خنوس عند مو غزال. 
• إضحك لدنيا تضحكلك. 
• دبر على حنوتك. 
• تهدر على القط ينط. 
• صبر صبر و كي وصل لطاجين كفر. 
• بخلت شريكي لقيت روحي معاه 
• لي فاتك بالزين فوتو بالنظافة وألي فاتك بالفهامة فوتو بالظرافة ولي فاتك بالدراهم ماكانش كيفاه تفوتو ماكالاه تعيي راسك. 
• الشركة هلكة. 
• لاتخف فالناس لايستطيعون اذائك الابماقدره الله لك. 
• ليس من الضروري ان يكون لك اصدقاء كثر لتكون ذو شخصيةمعروفة فالاسد يمشي وحيدا اما الخروف فيمشي مع قطيع . 
• رجلك على رقبتك. 
• أنسى الهم ينساك 
• كي يكثرو الفيران مايلقاو غيران. 
• حفر حفرة وطاح فيها . 
• يامحنتي عدت خدام و التبن عما عيوني عدت خدام عند عرة الناس للعشا ما عرضوني. 
• ماخص القرد غير الورد . 
• كي كان عايش بخلوه بتمرة و كي مات علقولو عرجون. 
• كول الخبز اليابس و فوت على جارك لابس. 
• ياشاري دالة. 
• أخدم يا صغري لكبرى وأخدم ياكبري لقبري. 
• يفنى مال الجدين وتبقى حرفة اليدين. 
• اللي راح وماولى واش من البنة خلى. 
• معزة ولو طارت. 
• قدرة بلا بصل مرا بلا عقل. 
• العشرة فتاشة.